தமிழகம் முழுவதும் பள்ளி மாணவர்களுக்காக 4.2 கோடி புத்தகங்கள்
அச்சிடப்பட்டுள்ளதாக பள்ளிக் கல்வித் துறை வட்டாரங்கள் தெரிவித்தன. இதில் ஏறத்தாழ 100 சதவீத புத்தகங்கள் அந்தந்த மாவட்டங்களுக்கும், பாடநூல்கழகத்தின் வட்டார அலுவலகங்களுக்கும் அனுப்பப்பட்டுள்ளன. தனியார் பள்ளிகளுக்கான புத்தக விற்பனை மே 16-ஆம்தேதியே தொடங்கி விட்டது. சில்லறை விற்பனை பெரும்பாலும் இந்த வாரத்தில் தொடங்கும் எனதகவலறிந்த வட்டாரங்கள் தெரிவித்தன.
இது தொடர்பாக அந்த வட்டாரங்கள் மேலும் கூறியது: ஒன்று முதல் ஒன்பதாம் வகுப்பு வரை முதல் பருவத்துக்காக 2.2கோடி புத்தகங்கள் அச்சிடப்பட்டுள்ளன. பத்தாம் வகுப்பு, பிளஸ் 1, பிளஸ் 2 வகுப்புகளுக்கு 2 கோடி புத்தகங்கள் அச்சிடப்பட்டுள்ளன. கோடை விடுமுறைக்குப் பிறகு பள்ளி திறக்கும் நாளான ஜூன் 2-ஆம் தேதி அரசுப் பள்ளி மாணவர்களுக்குப் புத்தகங்கள் விநியோகிக்கப்படும். தமிழகத்தில் ஒன்றாம் வகுப்பு முதல் பிளஸ் 2 வரை படிக்கும் அரசுப் பள்ளி மாணவர்கள் 57 லட்சம் பேரும், அரசு உதவி பெறும் பள்ளி மாணவர்கள் 33லட்சம் பேரும் உள்ளனர். இவர்களுக்கான புத்தகங்கள் இலவசமாக வழங்கப்படும் என அந்த வட்டாரங்கள் தெரிவித்தன.
கருத்துகள் இல்லை:
கருத்துரையிடுக