தி.மு.க. தலைவர் கருணாநிதியின்பிறந்தநாளையொட்டி, நடந்து முடிந்த 10மற்றும் 12–ம் வகுப்பு பொதுத்தேர்வில்சாதனை படைத்த 469 மாணவ–மாணவிகளுக்கு கோவையில் வரும் 22–ந்தேதி (ஞாயிற்றுக்கிழமை) நடைபெறும் விழாவில் மு.க.ஸ்டாலின்பரிசுத்தொகை வழங்குகிறார். கருணாநிதி பிறந்தநாள் தி.மு.க. தலைமை கழகம்நேற்று வெளியிட்ட அறிக்கை ஒன்றில் கூறியிருப்பதாவது:–
தி.மு.க. தலைவர் கருணாநிதியின் பிறந்தநாளினையொட்டி, 6–வது ஆண்டாக
தி.மு.க. இளைஞர் அணி அறக்கட்டளை சார்பில் தமிழகம் முழுவதும் 10 மற்றும் 12–ம் வகுப்புகளில் மாநில அளவில் முதல் 3இடங்களில் அதிக மதிப்பெண்கள் பெற்ற மாணவ–மாணவிகளுக்கு வழங்கப்பட்டு வரும் பரிசுத்தொகை,தி.மு.க. தலைவர் கருணாநிதியின் 91–வது பிறந்தநாளையொட்டி, இந்த கல்வி ஆண்டான 2013–14–ல்நடைபெற்ற தேர்வில் அதிக மதிப்பெண்கள் பெற்ற மாணவ–மாணவிகளுக்கு வழங்கப்படுகிறது. கோவையில், 22–ந்தேதி... கோவை அவினாசி சாலை, சின்னியம்பாளையம், ''பிருந்தாவன்ஆடிட்டோரியத்தில்'' வரும் 22–ந்தேதி (ஞாயிற்றுக்கிழமை) காலை 9 மணிக்கு நடைபெறும் பரிசு தொகை வழங்கும் விழாவில் தி.மு.க.பொருளாளரும் இளைஞர் அணி செயலாளருமான மு.க.ஸ்டாலின், மாணவ–மாணவிகளுக்கு பரிசுத்தொகையினை வழங்கி வாழ்த்துரை வழங்குகிறார். இவ்விழாவில் மாநில அளவில் அதிக மதிப்பெண் பெற்ற 469 மாணவ–
மாணவிகளுக்கு பரிசுத்தொகை மற்றும் சான்றிதழ் வழங்கப்படுகிறது.
கருத்துகள் இல்லை:
கருத்துரையிடுக