PG TRB TAMIL key clarification-அண்மை விளி

 

தொடக்கம்     பவணந்தி முனிவர்   இயற்றிய   நன்னூல் மூலமும்   சங்கர நமச்சிவாயர் செய்து சிவஞான முனிவரால் திருத்தப்பட்ட புத்தம் புத்துரை என்னும் விருத்தியுரையும்   உள்ளே

பக்கம் எண் : 374    நன்னூல் விருத்தியுரை        எ-னின், னகரவீற்று அஃறிணைப்பெயர்க்கும் விரவுப்பெயர்க்கும் எய்தியதன்மேல் சிறப்புவிதி உணர்த்துதல் நுதலிற்று.      இ-ள்: பொதுவிதியன்றி (305) னகரவீற்று அஃறிணைப்பெயர்க்கண்ணும் விரவுப்பெயர்க்கண்ணும் இறுதி கெடுதலும் அதனோடு ஈற்றயல் நீடலும் விளியுருபாம் எ-று.      இறந்தது தழீஇய எச்சவும்மைகளும் விளியுருபாம் என்பதூஉம் தொக்கு நின்றன.      வ-று: அலவ, இகல, கலுழ எனவும் அலவா, இகலா, கலுழா எனவும் சாத்த, கொற்ற எனவும் சாத்தா, கொற்றா எனவும் வரும். (54)   லகார ளகார ஈற்றுப் பெயர்கள்   312. லளவீற் றஃறிணைப் பெயர்பொதுப் பெயர்க்கண் ஈற்றய னீட்சியு முருபா கும்மே.      எ-னின், லகார ளகார ஈற்று அஃறிணைப்பெயர்க்கும் விரவுப்பெயர்க்கும் எய்தியதன்மேல் சிறப்புவிதி உணர்த்துதல் நுதலிற்று.      இ-ள்: பொதுவிதியன்றி (305) லகார ளகார ஈற்று அஃறிணைப் பெயர்க்கண்ணும் விரவுப்பெயர்க்கண்ணும் ஈற்றயல் நீடலும் விளியுருபு ஆம் எ-று.      வ-று: "காட்டுச்சா ரோடுங் குறுமுயால்" (தொல். விளி. 34 இளம்.), கிளிகாள் எனவும் தூங்கால், மக்காள் எனவும் வரும். (55)   விளியுருபுகளுக்குப் புறனடை   313. அண்மையி னியல்புமீ றழிவுஞ் சேய்மையின் அளபும் புலம்பி னோவு மாகும்.      எ-னின், மேல் (305-312) விதந்த விளியுருபுகட்கு ஆவதோர் புறனடை உணர்த்தல் நுதலிற்று.      இ-ள்: மேற் போந்த விளியுருபுகளுள் இயல்புகளும் ஈறழிவுகளும் அண்மை விளிக்கண்ணும் அளபுகள் சேய்மை விளிக்கண்ணும் ஓகாரங்கள் புலம்பல் விளிக்கண்ணும் வரும் எ-று.      எனவே ஏனை விளியுருபுகள் அண்மை, சேய்மை, புலம்பு என்னும் மூன்று இடத்தும் விராய் வரும் என்பது பெற்றாம். (56)